عالم مزيف - للشاعر روحيم منتصر

كتابة قصيرة للشاعر روحيم منتصر بعنوان ( عالم مزيف )
عالم مليان اكاذيب وكل كذبة اكبر م التانية ..

بنحاول نصدقها بس بتظهر كذبة تانية ..

كذبة ورا كذبة والحقيقة بقت وهم ..

العالم بلا معنى بس برضو شايلين الهم ..

هنعافر مع الأيام و هنسيب الماضي ..

الماضي كذبة كانت دايما بتراودني ..

وانا بغبائي دايما بستسلملها ..

لازم نُقَفْلها .. 

لازم نكون للفكرة دي نهيين ..

نفكر في مستقبلنا اللي بقا ضايع .. 

نفكر هنعمل ايه وليه بقا ضايع .. 

يمكن عشان بنصدق الأوهام ..

بس لازم نجري ورا الأحلام ..

لازم تكون قوي وتواجه بعزم وقوة ..

الدنيا دي تحدي كبير ولازم تطلع فايز ..

مهما هيجرىٰ في طريقك لسه دايس ..

هتكمل وهتنجح و هيبقا كل اللي ضحك في يوم لكلامك عايز ..

العالم دا أكبر كذبة أكبر وهم ..

بس لازم تكون مصحصح عشان عايز فهم ..

العالم الخربان وفيه كل العبر ..

واحدة عايزة واحد بس خايفة تقولو ..

و واحد بيحب واحدة بس خايف ..

و واحد دايما وحدو والوحدة مرفقاه ..

مصاحب المخدة و بيحكي مع السرير ..

وكل يوم عياط كتير ..

مش لازم تدي العالم دا أكبر من حجمه ..

ايه يعني حبيبك خانك ؟ .. 

ايه يعني صاحبك غدر ؟ ..

ما أنتَ هتفضل عايش و هتلاقي حد ..

حد يفهمك حد يقدرك ..

حد يفضل معاك من غير ما يبعد ..

اترك تعليقاً

أحدث أقدم